موظف قطاع حكومي او خاص؟ اكتشف كيف يمنحك ولاء بلس سعرا استثنائيا مع أفضل شركة نقل عفش بالرياض
اذا كنت موظف سواء في قطاع حكومي تخدم الوطن او في شركة قطاع خاص وتكرف ليل نهار فأكيد ان جوالك ما يخلى من تطبيق ولاء بلس. لكن السؤال اللي يطرح نفسه: هل أنت مستفيد منه صح؟ ولا بس تفتحه عشان خصم قهوة ولا وجبة غداء؟
خلنا نسولف بصراحة شوي.. الحياة في الرياض سريعة ومصاريفها ما ترحم. وإذا جاء طاري النقل لبيت جديد الفرحة تمتزج بالهم. تفكر في الإيجار اللي قص ظهرك ورسوم الخدمات وتأثيث المجلس وفجأة تتذكر المصيبة الكبيرة: نقل العفش.
هنا يوقف الواحد محتار: أروح لشركة محترفة وأدفع مبلغ وقدره وأنا ميزانيتي مضغوطة؟ ولا أجازف بعفشي مع عمالة الشارع وأوفر فلوسي بس يدي على قلبي لا يكسرون شي؟
في دار الاتجاهات ولأننا نقدر تعبك ونعرف ان الموظف يستاهل التدليل قررنا ننهي هالحيرة. مع شراكتنا الاستراتيجية مع برنامج ولاء بلس نقدر نقول لك: أنت تأمر.. جودة الـ VIP بسعر خاص لك أنت بس.
بنقول لك عن كل شي يخص هالموضوع وبنعلمك كيف تحلل تطبيق ولاء بلس صح في مشروع نقلك وكيف توفر مئات وممكن آلاف الريالات وبنفس الوقت تضمن ان عفشك يوصل سليم على الشرط. جهز قهوتك وتعال نشوف كيف تطلع كسبان من كل الجهات.
ليش النقل في الرياض صاير هم على الموظف؟
الرياض مدينة الخير بس المسافات فيها والمشاوير تخلي النقل مشروع لحاله. الواحد فينا يادوب يلحق على مصاريفه الشهرية. الراتب ينزل من هنا وتلقى الفواتير والأقساط تنتظره من هنا. ولما تقرر تنقل تطلع لك مصاريف ما كانت على البال ولا على الخاطر. سباك يبي حق شغله، كهربائي يبي يفك المكيفات ولا راعي البوية وفجأة تلقى الكاش اللي معك بدأ يخلص.
وهنا يجي الشيطان يوسوس لك: يا رجال وفر حق شركة النقل وشف لك دينة من الشارع بـ 300 ريال وانقل عفشك. وهذي يا طويل العمر هي أكبر غلطة ممكن يرتكبها الواحد في حق بيته وأثاثه.
ليش؟ لأنك دافع دم قلبك في أثاثك. غرفة النوم اللي شريتها بـ 10 آلاف والكنب التفصيل وشاشتك الكبيرة.. هل يعقل تسلمها لعمالة غير مدربة يشيلونها بعنف ويرمونها في دينة مكشوفة تحت شمس الرياض اللي تصهر الحديد؟ التوفير في هالمكان هو خسارة مؤكدة.
عشان كذا جاء عرض ولاء بلس مع دار الاتجاهات كطوق نجاة. يخليك تطلب أفضل خدمة في السوق وبسعر يخليك تبتسم وأنت تدفع.
وش سالفة عرض ولاء بلس مع دار الاتجاهات؟
الموضوع ببساطة إننا نبي نكافئك. حنا نعرف ان عملاء ولاء بلس هم نخبة الموظفين في البلد. وعشان كذا ما حبينا يكون العرض مجرد خصم بسيط والسلام. لا حنا نبي العرض يكون تجربة متكاملة.
لما تجي عندنا وتبرز تطبيقك أنت ما تأخذ بس خصم في الفاتورة أنت تأخذ معاملة تفضيلية. تخيل السيناريو: تتصل علينا يجي المندوب يقيم العفش ولما توريه التطبيق ينزل لك خصم جامد من السعر النهائي. يعني أنت حصلت على:
-
أفضل شركة نقل عفش بالرياض: سمعة 30 سنة ومقر رسمي ونضمن لك سلامة عفشك.
-
سعر منافس جدا: يضاهي أسعار السوق العادي بس بجودة شركات عالمية.
-
راحة بال: ضمنت ان عفشك في أمان وفلوسك في جيبك.
الجودة والخصم: هل بيقللون الخدمة عشان عطوني خصم؟
هذا السؤال دايم يدور في بالنا، تعودنا إن الرخيص مخيس أو إن الخصم يعني خدمة اي كلام. لكن في دار الاتجاهات الموضوع مختلف تماما وأعطيك إياها على بلاطة:
الخصم اللي تأخذه على خدمة نقل عفش الي نقدمها هو خصم تقدير لمكانتك الوظيفية مو خصم تشغيل. يعني مستحيل ننقص في جودة المواد أو العمالة عشانك أخذت خصم. بالعكس بنبيض الوجه معك.
وش بتلقى في خدمتنا حتى مع الخصم؟
-
العمالة الفنية: ما راح نرسل لك عمال تحميل عاديين. بيجيك نجارين معلمين لفك غرف النوم والمطابخ وفنيين تغليف يعرفون كيف يلفون التحف والقزاز. نفس الفريق اللي يروح للقصور بيجيك لبيتك.
-
مواد التغليف: بنستخدم لك كراتين جديدة (مو كراتين موز مستعملة!) وبنستخدم تغليف فقاعي (ببلز) أصلي ونايلون استرتش قوي. ما راح نبخل عليك بشطرطون واحد.
-
السيارات: عفشك بيركب في سيارات كونتينر مغلقة ومبطنة من الداخل تحميه من الغبار والشمس والمطبات. ما عندنا سيارات مكشوفة تعدم العفش.
يعني باختصار: أنت عميل VIP دافع أقل بس ماخذ الخدمة كاملة مكملة.
من هم المشمولين بالعرض؟ (شيك على جوالك)
برنامج ولاء بلس كبير ويغطي شريحة ضخمة. إذا كنت موظف في:
-
الوزارات والهيئات الحكومية.
-
الشركات الكبيرة (سابك، أرامكو، الاتصالات، البنوك، وغيرها كثير من المشتركين في البرنامج).
-
القطاع الخاص المتعاقد مع ولاء.
فأنت غالبا معك كنز في جوالك. لا تخليه يروح عليك. افتح التطبيق ابحث عن دار الاتجاهات وبتشوف العرض قدامك. هذا حقك وميزة من مزايا وظيفتك استغلها صح في الشيء اللي يوفر عليك مبالغ كبيرة زي النقل.
خدماتنا الشاملة: العرض مو بس للنقل!
وهذي نقطة كثير ناس يغفلون عنها. يحسبون إنن الخصم بس على دينة النقل. لا يا غالي الخصم يشمل باقة خدماتنا كلها لأننا ندري ان احتياجاتك تختلف:
-
نقل العفش الكامل: من الباب للباب. نفك ونغلف وننقل ونركب في بيتك الجديد. وأنت مرتاح تشرب شاهي وتوجهنا: حطوا الكنب هنا والسرير هناك.
-
التغليف الاحترافي: تبي تغلف أغراضك بنفسك بس تبي مواد زينة؟ او تبينا نجي نغلف لك الأكو والماكو حتى الملابس والمواعين؟ العرض يشمل خدمات التغليف وموادها.
-
تخزين العفش (المستودعات الآمنة): وهذي تهم كثير من الموظفين خاصة اللي يجيهم ابتعاث خارجي او انتداب لمدينة ثانية او اللي جالس يرمم بيته. بدال ما تبيع عفشك برخص التراب او تحطه في حوش ويخرب من الشمس.. خزنه عندنا في مستودعات مؤمنة واستفد من خصم ولاء بلس على عقد التخزين الشهري او السنوي. تخيل توفر حق الإيجار وتحفظ عفشك في نفس الوقت!
ليش تختار شركة نقل عفش مرخصة وتخلي وجع الراس؟
يمكن يجيك واحد يقول: ياخي حتى مع الخصم العمالة اللي في الحراج أرخص بـ 200 ريال. صح ممكن يكونون أرخص بشوي بس خلنا نحسب تكلفة المخاطرة:
-
الأمان والخصوصية: أنت بتدخل ناس لغرف نومك ولوسط بيتك. عمالتنا نظامية لابسين زي موحد وعلى كفالة الشركة ومدربين على احترام خصوصية البيوت السعودية. ما نجيب ناس مجهولين ما تدري من وين جايين.
-
الاحترافية في الفك: فك دولاب إيكيا او المطبخ التفصيل يبي له فني مو عتال. العليمي ممكن يخرب مكان المسمار ويعدم عليك الدولاب للأبد. نجاريننا يفكون ويركبون وهم مغمضين.
الفرق البسيط في السعر هو ثمن راحة بالك وإنك تنام في بيتك الجديد وأغراضك كلها سليمة ومرتبة.
المفاجأة: خصم ولاء + تقسيط تابي وتمارا
هنا الكلام الكبير.. في دار الاتجاهات سوينا حركة ما يسويها إلا اللي فاهم وضع السوق وحاس بالعميل. قلنا: طيب عطيناه خصم ولاء بس يمكن المبلغ الباقي لسه ثقيل عليه يدفعه كاش الحين.
وش الحل؟ الحل إنك تقدر تدمج بين الميزتين!
-
طلع تطبيق ولاء بلس وخذ الخصم ونزل قيمة الفاتورة.
-
والمبلغ اللي يصفى؟ قوله أبي أدفعه عن طريق تابي او تمارا.
وش يعني؟ يعني بتقسط المبلغ المخفض على 4 دفعات ميسرة! تدفع ربع المبلغ بس اليوم والباقي على 3 شهور. بدون فوائد وبنفس سعر الكاش. كذا تكون ضربت عصفورين بحجر: خذت سعر خاص وريحت ميزانيتك من دفع الكاش دفعة واحدة. هذا هو الذكاء المالي في إدارة مصاريف النقل.
سيناريو النقل معنا
عشان تطمن أكثر خلني أمشيك في الرحلة خطوة بخطوة من يوم ترفع السماعة لين نقفل باب بيتك الجديد:
-
الخطوة الأولى: الاتصال والمعاينة تتصل علينا او ترسل واتساب. نرسل لك مندوب (مجانا) يشوف العفش. ليش؟ عشان ما نعطيك سعر من راسنا وبعدين نتوهق وياك. يشوف الكمية ونوع العفش وهل يحتاج ونش ولا لا.
-
الخطوة الثانية: إبراز الكرت الرابح وأنت تتفق مع المندوب قوله: ترى أنا عندي ولاء بلس. بيشوف التطبيق ويعدل لك السعر فورا ويعطيك العرض الخاص.
-
الخطوة الثالثة: يوم التنفيذ يجونك فريقنا في الموعد بالدقيقة. لابسين ومرتبين ومعهم العدة والكراتين.
-
يبدون يصورون العفش عشان يرجعونه زي ما كان وتضمن عن وصوله إنه زي ما كان قبل سليم.
-
يفكون الغرف والمكيفات والمطابخ.
-
يغلفون كل قطعة تغليف يدللها.
-
يحملونها في السيارات المغلقة بترتيب هندسي عشان ما تتحرك.
-
-
الخطوة الرابعة: الوصول والتركيب نوصل بيتك الجديد ننزل العفش ونوزعه على الغرف حسب طلبك (الكنب في المجلس والسرير في الغرفة..). يبدون النجارين يركبون الدواليب والمطابخ ويوزنونها بالميزان عشان تفتح وتسكر صح.
-
الخطوة الخامسة: التسليم والراحة تشيك على عفشك قطعة قطعة. ما نطلع إلا وأنت راضي ومبتسم وتقول بيض الله وجيهكم.
نصيحة لكل موظف
يا جماعة الخير الوظيفة نعمة ومميزاتها نعمة لازم نستغلها. الشركات والجهات الحكومية تتعب عشان تجيب لكم هالخصومات مع ولاء بلس وغيره. لا تضيعها وتروح تدفع سعر كامل او تروح للأرخص وتخسر عفشك.
عفشك هو تحويشة عمرك وذكرياتك وراحتك في بيتك. لا تفرط فيه عشان توفير بسيط ممكن ينقلب عليك بخسارة آلاف الريالات في التصليح او شراء جديد.
دار الاتجاهات بخبرتها الـ 30 سنة في الرياض وبشراكتها مع ولاء بلس وبخدمة التقسيط قدمت لك الحل اللي ما يختلف عليه اثنين: جودة وتوفير وراحة.
الأسئلة اللي ممكن تدور براسك (FAQ)
س: هل لازم أكون أنا صاحب الاشتراك في ولاء بلس؟
ج: يفضل طبعا او يكون أحد أفراد العائلة من الدرجة الأولى موجود ويبرز التطبيق. تواصل معنا ونتفاهم وحنا ما نقصر.
س: هل العرض يشمل فك وتركيب المكيفات؟
ج: نعم العرض يشمل الفاتورة الإجمالية . وخدماتنا تغطي في نقل عفش فك وتركيب المكيفات (السبليت والشباك) والستائر والمطابخ الجاهزة. كل شي تحت سقف واحد.
س: متى أقدر أحجز؟
ج: في اي وقت! بس نصيحة في المواسم (زي الإجازات ونهاية الشهر) يكون الضغط عالي. احجز بدري عشان تضمن الموعد اللي يناسبك وتستفيد من العرض برواقة.
س: هل توفرون كراتين؟
ج: أكيد جزء من خدمتنا المميزة في نقل عفش بالرياض إننا نوفر كراتين مجانية لعملائنا عشان يلمون أغراضهم الشخصية ومواد تغليف أساسية.
لا تفوت الفرصة.. بيتك الجديد يستاهل بداية صح
النقل خطوة كبيرة وبداية حياة جديدة. خل بدايتها صح مع شركة نقل عفش تخاف الله في عفشك وتقدر قيمتك كموظف. استغل خصمك وقسط الباقي وانقل وأنت رجل على رجل.
وش تنتظر؟ شيك على تطبيق ولاء بلس وتواصل معنا الحين لطلب المعاينة المجانية. فريقنا جاهز يخدمك بعيونه.
دار الاتجاهات.. ننقل عفشك ونقدر مكانتك.
مقالات قد تهمك:
- وداعا لتكسير الأثاث والمواعيد المتأخرة.. استمتع بتجربة نقل عفش بالرياض بمعايير احترافية مع دار الاتجاهات
- شركة تخزين عفش بالرياض: دليلك الشامل لحماية أثاثك من حرارة وغبار الرياض
- تبي تنقل عفشك وميزانيتك مضغوطة؟ الحل عندنا: خدمة نقل VIP وتقسيط مريح مع تابي وتمارا
- خدمات نقل عفش بالرياض يرجع فيها أثاثك زي ما كان: ليش لازم تختار شركة سعودية مرخصة لرحلة انتقالك؟